Diahuebs atardi a drenta informe di un accidente riba Caya Francisco D. Figaroa na Noord tegenover di Tai Sheng Hardware, mesora a dirigi patruya na e sitio. Na yegada a encontra un Altezza cu lo a perde control y bay dal den un cura di cas. Segun e chauffeur a declara na e sitio e tabata bayendo zuid y diripiente e tire banda rechts dilanti lo a kibra for di e auto mandando e vehiculo den e cura di cas na man drechi di caminda. Afortunadamente ningun persona a resulta herida.
