Oranjestad – Riba diahuebs santo, Conseho di Minister di Reino riba conseho di CAFT a dicidi cu tur ayudo cu Aruba ta haya den forma di sosten di likides y subsidio di salario, lo ta den forma di un fianza na 0% di interes. Minister Xiomara Maduro ta informa cu esaki ta e facilidad di ‘zachte lening’ cu largo tempo Aruba tabata purba haya di Hulanda, pero cu tabatacondiciona na rekisitonan cu Aruba no por a cumpli ainda cu nan. Debi na e efecto grandi cu COVID19 ta trece cune pa Aruba y a base di e peticion pa yudansa conforme articulo 36 di Statuut di Reino Hulandes, Conseho di Minister di Reino a aproba pa asina Aruba tambe por haci uso di e facilidadfinanciero cu e otro Paisnan den Reino Hulandes tin cabadisponibel. E mandatario ta subraya cu e fondonan aki, Gobierno lo kier brinda yudansa den forma di FASE pa esnan cu perde trabou, lo yuda negoshi chikito y mediano cu fondo y lo yuda comercio pa retene nan trahadornan por medio di un subsidio di salario. Minister Maduro ta informa cu conforme e decision di Conseho di Minister di Reino, aki dos aña Aruba lo haya e oportunidad pa refinancia e fianzanan aki y na e momento ey lo stipula e termino y otro condicionnan di pago.
