Awor tin Self-Service Area na tur sucursal

ORANJESTAD – April 15, 2020, Cu e meta pa mehora e experiencia di e cliente Aruba Bank ta introduci e prome Self-Service Area na San Nicolas. E Self-Service Area ta ekipa cu un Smart Deposit Machine, un Customer Service Kiosk y un ATM.

Cu e Smart Deposit Machine, tur cliente di Aruba Bank por deposita placa cash riba nan cuenta, paga recibonan di utilidad (WEB, ELMAR, SETAR) y paga tarheta di credito. Tur e transaccionnan aki lo ta disponibel ariba cuenta di biaha.

E ventahanan aki ta disponibel pa clientenan tanto individual y negoshinan, cu tin un tarheta di debito (ATM). E deposito di biyetenan por ta tanto na Florin como na Dollar Mericano (AWG y USD), cada uno mester wordo deposita apart.

Ademas di e Smart Deposit Machine e Self-Service Area ta consisti di mashin di ATM y Customer Service Kiosk. E servicio di ATM machine ta bay mas leu cu simplemente lanta placa y check bo balans. Awor por cambia PIN, mira of print mini statement, incluso transferi di cuenta pa cuenta. Awor nos sucursal di San Nicolas ta conta cu dos ATM pa sirbi e comunidad di San Nicolas mas mihor.

Na e Customer Service Kiosk, bo por haci cambio di bo informacion personal, activa text banking, link un cuenta na un ATM card, incrementa e limite di ATM, reemplasa un credit card, raporta un credit card perdi of horta, pidi un card PIN number, pidi un overdraft, haci transferencia pa otro persona y hopi mas. E Self Service Area ta habri for di 7’or di mainta pa 9’or di anochi.

Salud di comunidad ta na prome lugar, Aruba Bank ta encurasha tur cliente pa haci uzo di nan Self-Service Area na Camacuri y San Nicolas durante e temporada aki. Aruba Bank ta gradici tur cliente pa sigui scoge nan como nan banco preferi.

Pa mas informacion bishita arubabank.com/corona-news of yama nos Contact Center na 527-7777.