Nos tur ta corda ainda cu sr. Mike Eman a cera deal cu CITGO bou hopi fanfaria. Te hasta a organisa 2 biaha un fiesta di apertura y a presupuesta entradanan di e apertura na 2016 y 2017 pa asina por cera un presupuesto. Pero e entradanan akinunca no a drenta cerca Gobierno y nos tur sa cu nunca nosrefineria no a bira operacional.
AVP NO A FIRMA CU CITGO PETROLEUM CORPORATION NA 2016
Parlamentarionan di AVP ta trata na insinua cu CITGO lo tin placa y nan ta referi na Citgo Petroleum Corporation. Pero nanno ta bisa cu pais Aruba, den e caso aki partido AVP, no a firma acuerdonan cu Citgo Petroleum Corporation na 2016.
Manera por wak cu riba e potret, AVP a firma acuerdonan cu Citgo Aruba Holding LLC, Citgo Aruba Refining N.V. y Citgo Aruba Terminal N.V. PDV Holding LLC a firma un garantia pa un maximo di $150MM pa cubri incumplimento di Citgo Aruba Holding LLC y su subsidiarionan den caso cu nan no cumpli.
Ta importante pa aclarea cu esaki ta un garantia. E no ta un sumacu PDV Holding mester paga Pais Aruba si Citgo Aruba no cumpli cu e contractnan. Loke ta mas condenabel den tur esakita net esunnan cu a firma e contract aki, Parlamentarionan actual di AVP, cu sa exactamente con nan a perhudica pais Aruba, ta trata na bruha tera aworaki.
KICO AVP A FIRMA REALMENTE NA 2016
Ora bo analisa tur e documentonan relaciona na e deal cu AVP a cera cu CITGO bo ta wak lo siguiente:
1. AVP no a firma contract cu Citgo Petroleum Corporation;
2. AVP a entrega inmunidad soberano di Pais Aruba (article 19.3 di DPA);
3. AVP a entrega e derecho di Pais Aruba pa lanta caso contra Citgo pa daño y perhuicio pa cualkier incumplimento di e contractnan (article 16.3 di DPA y 19.3 di RLA);
4. AVP a acepta cu sancionnan ta califica como un evento di Force Majeure (article 18.1 di DPA);
5. AVP a acepta cu pa motibo di sancionnan, Pais Aruba NO portene Citgo y tampoco PDV Holding responsabel pa suincumplimento pa motibo di Force Majeure (article 18.3 Excused Performance di DPA).
PA CONCLUI
Pues pa e motibonan ariba menciona, garantia di PDV Holding a bira un “dode mus” cu consecuencia cu nunca Pais Aruba lo porclaim PDV Holding pa incumplimento di Citgo Aruba. Tur esakia consecuencia di e contractnan cu ex-ministernan di AVP, actual Parlamentarionan di AVP, a firma na 2016 y asinaperhudica pais Aruba. Mientras cu ta berdad cu Citgo Petroleum Corporation ta un compania grandi y exitoso, e realidad ta cu AVP NO a firma contract cu Citgo Petroleum Corp, y pa e motibo di e contractnan firma, Pais Aruba NO por claim CPC, niPDV Holding, ni Citgo Aruba.
CITGO pa AVP, na 2016, tawata un instrumento pa tira santoden wowo di pueblo pa lubida e masacre financiero cu nan a causa pa pais Aruba. Y aworaki nan ta uza esaki pa desviaatencion y stroba Gabinete Wever-Croes pa capitalisa riba un oportunidad pa Aruba dentro di e crisis actual. Esaki no ta momento pa causa segregacion, pero nos mester uni pa brindaAruba un oportunidad dentro di e crisis.
