Diabierna merdia a drenta informe di cu hobennan ta coriendo riba bicicleta den un forma irresponsabel banda di scolnan na Klip y Mon Plaisir, mesora a dirigi patruyanan na e sitio. Banda di Mon Plaisir mes a topa cu e hobennan aki riba bicicleta y a core cu nan. Polisnan a core cu nan pero ora polis a bira bek a topa cu nan ta core den verboden. Awendia ta masha hopi hende ta core den verboden cu bicicleta pa corta caminda. Hopi aña atras polis tabata actua contra bicicleta cu ta core den verboden. Awendia ta tolera esaki demasiado. Sinembargo e cantidad di hoben riba bicicleta causando molester den trafico a bira dimas. Den e caso specifico aki no por bisa cu esey tabata e caso. Pero ora polis a topa cu nan bek bandonando e area den verboden a stop nan y a kita nan bicicleta. Ambos hoben a keda na pia. A busca pickup di Polis pa hiba e bicicletanan warda. Djey a keda di regla pa asina nan bin busca esaki bek. Dimes e hobennan no a keda contento. Despues a topa otro hoben mas den cercania y e tambe Polis a atende cune den e accion contra hobennan riba bicicleta.
