Diadomingo atardi a drenta informe di un accidente cu hende herida na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur a baha for di e caminda cu su Nissan Tiida y ora ela bay subi caminda bek e auto a bay fuera di control y a bolter. Su pareha cu tabata net su tras a brake di golpi y a para diripiente. E homber mesora a yama informa di e susedido. Na yegada di e ambulans nan a atende e dama cu a resulta herida y a transporte pa hospital. Ta importante pa sa ora cu un chauffeur baha for di caminda y e subida ta un tiki halto pa abo subi e caminda bek mesora cu e mesun velocidad esaki ta pone e auto perde control y hasta por bolter. (Conseho: E miho cos pa haci manera e auto baha for di e caminda ta slow down y subi bek poco poco!)