Diahuebs atardi a drenta informe di un accidente cu hende herida na Piedra Plat, nesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda e chauffeur di un Toyota Yaris a haya chens di un banda pero no a mira cu tabata bin un pick-up di otro banda y esaki a bay dal e Yaris bir’e 90 grado mande bay dal un otro auto blanco para riba e liña. Polis a ripara cu e Yaris no tabata tin su papelnan na ordo. E chauffeur di e pick-up tabata keha di dolor na su brasa. Na yegada di e ambulans nan a atende e persona herida como tambe e otronan y a atende nan na e sitio mes.