MACUARIMA, ARUBA: E momento a yega despues di hopi tempo pa introduci un imagen nobo di uniform pa nos organisacion policial.
Tabata despues di basta tempo cu a sondia cua ta e miho calidad di uniform operacional pa Polis. Mester a haci diferente pruebanan pa mira e calidad tanto den e camisa pero tambe carson. Dor di nos clima cu tin hopi solo y calor KPA mester a busca e miho calidad di uniform nobo pa e agentenan.
Desde 1 maart 2025, KPA ta estrena su uniform policial nobo operacional. Diseña pa nos propio agente policial cu un diseño unico riba su estilo Aruba por mira e diferencia den uniform. Miho calidad, mas flexibel, diseño moderno como tambe mas visibel.
Cu e color blauw scur como camisa y Carson y e colornan geel riba e camisa cu e emblema di Polis riba dje ta duna e uniform un miho bista cu ta Polis. Mas nomber di Polis scibi na nos dushi idioma di Papiamento nos comunidad por reconoce e agente mas miho.
Durante parada grandi di San Nicolas nos comunidad por mira e imagen nobo cu e agentenan lo cana cu ne como nos uniform operacional. E uniform aki lo wordo husa pa polis uniforma di cada districto.
