Danki na testigonan atento a logra pone man riba dos sospechoso conoci caba di Polis. Ta sospechanan di a horta den auto cerca di Sociale Zaken y tambe den Parlamento di Aruba. Nan a kibra den e auto y horta varios cos entre otro aparato digital. Djey a sigui move pa parlamento unda na e parti patras a kibra e porta y drenta pa horta. Polisnan a haya e melding y a yega mesora. Na yegada a topa cu e localidad destrui. Testigonan a duna indicacion di e ladronnan. A cuminsa cu un buskeda y den e area di Klip a haci dos detencion. Tambe a haya cosnan horta benta den e area di Plaza Padu. Polis a coba den e saco cu cosnan horta. Hasta den porta patras di parlamento tabata tin cosnan benta. Despues di tuma declaracion di testigo a bay warda. E sospechosonan tambe a bin warda cu nan. No ta conoci si e alarma di parlamento a activa. Via e entrada aki por yega na diferente oficina di e parlamentarionan. E ta mustra cu a coba den varios oficina y acumula cosnan cu tabata tin.
