Guarda Costa di Caribe a ricibi un informe di cu un catamaran tabata den peliger na 150 milla noordwest di Aruba. E catamaran cu cuatro homber abordo tabata sink, locual a obliga e tripulacion pa abandona e embarcacion rapidamente. Mesora e Centro di Operacionnan Maritimo a dirigi e aeronave di patruya di Guarda Costa na e lugar specifico pa tira un bista na e sitio. Unabes na e sitio, e tripulacion di e avion Dash a wak cu e individuonan tabata flota den un “lifesaver raft” y nan boto yama “Second Wind” cu tabata sink. E helicoptero di Guarda Costa tabata na caminda pa hisa e 4 hombernan. E avion di Guarda Costa a sigui vigila e “lifesaver raft” te ora cu e helicopter a yega na e sitio pa yuda e naufragonan. Unabes na e sitio e helicopter a saca e naufragonan y a hiba nan Curaçao haciendo un escala na Aruba pa fuel. Ora nan a yega Curaçao, e hombernan a ser hiba na imigracion pa nan regreso na nan pais, para regresar a casa sano y salvo. E Centro di Operacionnan Maritimo a emiti un mensahe NAVTEX na tur e barconan den e zona pa nan ta atento di cu nan ta atento di e catamaran cu ta bezig ta sink den lama. Ta trata aki di americanonan cu aleman. Manera cu ya caba nos a informa.