Diamars mainta a drenta informe di un accidente dilanti di Seaport Cinemas, mesora a dirigi un patruya na e sitio. Na yegada di e patruya a bin compronde cu e chauffeur di e Toyota Corolla lo a pega soño tras di stuur y a bay banda robes di caminda y a bay dal 5 pilon kibra dilanti Seaport Market Place. Debi na e impacto e chauffeur a resulta herida y a pidi presencia di ambulans, na yegada di e ambulans nan a atende e victima na e sitio mes.
