Diaranson mainta a drenta informe di un accidente cu hende herida na Bubali. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semi frontal unda un vehiculo SUV a bay mucho na su banda robes y a bay dal frontal riba un Nissan March. E impacto tabata basta fuerte, cu ambos chauffeur a resulta herida. Na yegada di ambulans nan a atende e chauffeur di e Nissan March na e sitio mes, mientras cu e otro chauffeur mester a bay hospital cu ambulans.