Diabierna anochi a drenta informe di un accidente cu hende herida na e crusada pa bay Sero Biento, net prome cu e crusada di Well Well bar. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur cu tabata maneha un Toyota Corolla cu baby den auto a dal tras di un pickup color shinishi, e pickup a sali bay despues di e impacto. E chauffeur di e Corolla tabata hopi spanta y hopi altera, e tabata hopi preocupa pa su yiu chikito (baby). Na momento cu Polis a yega, e tabata papia hopi fresco cu nan y tabata insultanan den tur forma.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Despues di un rato e Polisnan a fada di dje y pon’e riba vloer. A lag’e haci un test di alcohol tambe, el a surpasa esaki. Na yegada di e Rapid Responder Unit di Ambulance a duna e baby asistencia medico y pa check si tur cos ta bon cun’e. Mientrastanto, mirando e scarsedad di Polis riba caya, Polisnan den auto di patruya normal mester a bin busca e detenido pa hib’e Warda, no tabatin suficiente Polis pa trece un dogcatcher.