Diadomingo mainta a drenta informe di un accidente cu hende herida dilanti di Centro di Bario Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda pa un motibo of otro e auto Toyota Vitz a perde control bay banda robes di caminda dal acera y bay dal frontal riba un Chevrolet Montana. Debi na e impacto e chauffeur di e Vitz a resulta herida na yegada di e ambulans nan a atende y transporte pa hospital.