Diabierna madruga a drenta informe si un accidente cu hende herida na Santa Helenastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un chauffeur cu lo a perde control riba poco tera riba caminda y a bay dal riba un cura di cas. Debi na e impacto e chauffeur a resulta herida. Na yegada di e ambulans nan a atende e victima na e sitio mes.
