ORANJESTAD – Garage Centraal ta anuncia e miho oportunidad pa habri aña nobo cu un auto nobo y esaki lo ta e tremendo End of Year Car Event di Garage Centraal.

 

Pe e evento aki lo tin un tremendo promocion cu 10% pa 15% di descuento riba auto selecta cu un variacion di auto amplio Hyundai, Isuzu, Volkswagen cu Leapmotor, entre otro. A caba di haya cargacion di Hyundai, di Volkswagen. Tambe tin Isuzu disponibel y tin auto electrico Leapmotor. For di e modelo mas chikito manera e Hyundai Grand i10 te cu un Hyundai Tucson.

Tin auto di gasolin of di coriente manera IONIQ 5 of e Kona Electric. Pa ki sorto di auto cu bo ta desea, nos tin un auto den stock pa bo, cu ofertanan hopi special.

 

Garage Centraal tin un tremendo sorpresa, cual ta e adicion di un marca nobo den nan line up. Como sorpresa grandi den showroom pa prome biaha tin un marca nobo oficialmente na Aruba cual ta GAC Motor. E compania aki a cuminsa den fabricacion di e marcanan Japones mas importante y e experticio ey ta ser aplica riba e autonan aki.

 

JD Power, cu ta un di e reviewernan mas importante na mundo pa locual ta auto, a dun’e premio na prome luga den nan clasificacion di fabricante pa calidad inicial di vehiculo, y esaki a tuma lugar pa 8 aña consecutivo. Y autonan ta keda gana premio, manera e Emkoo, cual a gana number 1 den su segmento e aña aki.

 

Mas importante pa e autonan aki, como cu Garage Centraal ta dealer oficial, lo tin respaldo solido di piesa y di servicio cu tecnico cualifica, entrena cu specificacion di fabrica. Esaki ta garantisa cu e auto no solamente lo bay subi caminda cu calidad halto, e lo keda riba caminda na bo satisfaccion pa mas largo.

 

Pa e siman di e “End of Year Car Event 2024” lo tin asistencia di e banconan den e showroom. Lo cuminsa cu CMB diamars, dia 26 di november. Ta sigui diaranson 27 di november cu Banco di Caribe. Diahuebs 28 di november, Aruba Bank lo ta den showroom y diabierna, 29 di november, lo bay tin RBC. E culminacion di e evenemento lo tuma lugar diasabra, dia 30 di november, for di 9:00 am te cu 2:00 pm, cu e Car Show principal unda tur e banconan lo bay ta den e showroom.

 

Garage Centraal Aruba tin e specialnan, tin e stock, y tin e banconan cla pa yuda bo: Esaki ta boso miho oportunidad pa habri 2025 cu un auto nobo. E invitacion ta pa un y tur bishita Garage Centraal y probecha di e “End of Year Car Show 2024”.