Diamars mainta a drenta informe di cu un cacho a morde un peaton banda di Palm Beach, mesora a dirigi un patruya na e sitio. Na yegada di e patruya a bin compronde cu un homber tabata canando cu como 5 cacho sin “leash” y diripiente un di su pitbull a hala bin mord’e. E peaton a bisa e homber cu e mester para responsabel y mesora e homber a core bay for di e sitio. E cacho a laga un bon mordi cerca e victima cu tabata keha di dolor. Ambulans a bin atende mientras polis a sali bay mira rond si nan ta topa e homber cu e cachonan.