ORANJESTAD – Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA), ta invita tur persona cu ta den proceso pa habri un negoshi of cu ya tin un negoshi, pa asisti na IDEA su workshop di ‘Building Resilient Brands: Strategic Communication, Public Relations and Sustainable in Action’dia 22 di november venidero.
E oradoranan, sra. Ghislaine de Windt-Kemmerling, experto den ‘Marketing & Public Relations’ y actualmente trahando na Tierra del Sol Resort & Golf, lo comparti strategianan pa un comunicacion efectivo y un tremendo relacion publico. Sra. Dae Herreira, experto den sostenibilidad y actualmente trahando na Iberostar, lo presenta con pa integra sostenibilidad den un compania.
E workshop aki ta completamente GRATIS y ta tuma luga na Departamento di Asuntonan Economico, Comercio y Industria, den Sun Plaza Building, piso 2, sala no. 25. E orario di e workshop ta di 9:30 am – 12:00 pm.
E workshop aki ta pa tur futuro empresario y esunnan existente, cu ta den proceso pa habri un of otro negoshi y personanan cu ya ta maneha un compania.
Pa por participa, mester registra via e siguiente link riba Eventbrite of por haya e link aki tambe riba nos Facebook page @Idea-Aruba:
https://WorkshopIDEAnov2024.eventbrite.nl
Registracion ta obligatorio y cupo ta limita. Si acaso mester di mas informacion tocante e workshop, por tuma contacto cu sra. Louella Croes-Ras na IDEA via telefon #: 521-2400/521-2439. Tambe por bishita nos website: www.idea.aw pa haya mas informacion di e servicionan di IDEA.
Abo tin un Idea? Haci bo Idea realidad. Bishita IDEA na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur informacion y guia necesario.
