Diaranson atardi a drenta informe di un accidente cu hende herida na e salida Superfood, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un motociclista unda e auto a sali y e motociclista a bin dal riba dje. Debi na e impacto y caida e motociclista a resulta herida. Na yegada di e ambulans nan a atende e victima y a transporte pa hospital.
