Diadomingo atardi laat a drenta informe di un accidente cu hende herida unda un auto a perde control y a bay cay y causa daño na otro 4 autonan staciona den cura di Ritz Carlton, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu aki ta trata di e Mitsubishi Galant A67760 cual a perde control y a bay dal e cura di Ritz Carlton kibra y a destrui 4 otro autonan mas. Entre nan un Hyundai Accent A50753, un MG V5674, Kia V166 y tambe e Jeep A68239. Tur e autonan aki a ricibi daño. Den e auto mes tabata tin e dama chauffeur hunto cu 2 mucha mas. Na yegada di e ambulansnan nan a atende e victimanan mientras bombero a corta e wayanan di bateria pa asina evita e auto pega na candela.