Oranjestad – Diabierna dia 18 di october 2024 Vice-Presidente di Raad van State van het Koninkrijk sr. mr. Thom de Graaf, a entrega nan conseho den cuadro di e 70 aña di existencia di Statuut di Reino Hulandes na Presidente di Raad van Advies sr. David Kock.

 

Raad van Advies hunto cu e otro consehonan consultativo di e parti  Caribense di Reino a duna input pa e conseho aki. E conseho ta trata topiconan cu pa hopi tempo tawata riba mesa di discusion den Reino, manera salvaguarda derechonan humano y bon gobernacion (waarborging van mensenrechten en deugdelijk bestuur), leynan di Reino a base di consensus (consensusrijkwetten), convenionan mutuo (onderlinge regelingen), reduccion di deficiencia democratico (verkleining democratisch tekort) y resolucion di disputa independiente (onafhankelijke geschillenbeslechting).

 

E conseho aki ta contribui na un interpretacion moderno di e articulonan di e Statuut di Reino Hulandes.