Diadomingo mainta a drenta informe di un accidente cu hende herida na e crusada Weststraat cu Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compronde cu un auto Kia Morning bieniendo for di direccion prohibi a dal un pick-up Nissan mand’e dal un cura di cas y e auto a sigui bay dal frotal riba un bus di Palm Tours. Debi na e fuerte impacto 2 persona a resulta herida. Na yegada di e 2 ambulansnan nan a atende ambos victima y a transporta nan pa hospital.