Diabierna anochi a drenta informe di cu tin un hoben cu a ser hinca varios biaha den lomba pa un otro hoben y e victima ta sangrando profusamente, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un hoben di 16 aña cu a hinca otro hoben varios biaha den su lomba y djey a core bay direccion den caya grandi. Na yegada di e ambulans nan a atende e hoben y cu maximo urgencia a hib’e hospital. Polis a purba busca e hoben agressor den vecindario di caya grandi pero no a bin logra topa cun’e.