Diahuebs atardi a drenta informe di un accidente cu hende herida pariba di e brug Fredis Refunjol, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un auto Nissan Fuga coriendo cu velocidad halto a bay dal tras di un Hyundai Accent manda esaki dal na e median y bolter mientras e Fuga a sigui bay para un poco mas leu. Debi na e impacto 2 hende a resulta herida pero solamente 1 a bay cu ambulans pa hospital.