Diahuebs madruga a drenta informe di cu tin un homber cu a sali for di casino y a cuminsa kibra cosnan den e lobby di e hotel, mesora a dirigi un patruya na e sitio. Na yegada di e patruya a bin compronde cu aki lo ta trata di un persona cu lo ta bao influencia di un of otro substancia cu a destrui cosnan na e hotel. Ora polis a bay atende cun’e esaki a resisti su detencion y a cay kap su cabes pa cual motibo a pidi presencia di ambulans na e hotel. Na yegada di e ambulans nan a atende e detenido y a transporte pa hospital escolta pa polis.