Diamars madruga a drenta informe di cu tin un hende cu a cay cu bais dilanti Misa di Noord y ta herida, mesora a dirigi tanto polis como ambulans na e sitio. Na yegada di e patruya a bin compronde cu un persona a bay bebe na un nightclub na Palm Beach y ora di bay su cas ela subi un bicicleta y dilanti e Misa di Noord ela cay herida su mes. Na yegada di e ambulans nan a atende e victima y a transporte pa hospital. Polis a hiba su bicicleta na warda di polis na Shaba na disposicion di e doño.