Manera nos a informa den un otro informe di un caso di maltrato na De La Sallestraat, ora cu e dama a sali for di hospital ela bay su cas pa busca su papelnan pa bay na rescherche ela bin topa cu e persona indesea na e cas y mesora a yama polis. Na yegada di polis nan a bati na e porta pero no tabata haya ningun contesta. Polis a yama pidi fiscal permiso pa drenta e cas y a haya esaki pero ora polis a drenta e homber no tabata den e cas mas. Polis ta sospecha cu door cu e tin camara na e cas y ora a mira polis a yega e homber lo a huy. Enfin asina e victima a haya chens pa piki locual e mester y a dirigi su mes na recherche pa entrega e keho di maltrato.