EXHIBICION TRAVELING POSTER

ORANJESTAD – Dia 23 di September UNESCO Aruba den colaboracion cu nos partnernan: Unoca Aruba, Biblioteca Nacional, Archivo Nacional Aruba, EducationUSA Aruba,National Archaeological Museum Aruba, Unesco Caribbean & EduCampus Aruba tabata tin e honor di por inaugura e exhibicion “Travelling Poster Exhibition: Slavery. Ten True Stories of Dutch Colonial Slavery & Aruba’s Stories” na Biblioteca Nacional na San Nicolas.

Na april di e aña aki e Caribbean Office di UNESCO na Jamaica a acerca UNESCO Aruba cu e propuesta pa organisa un version Arubano di e exhibicion menciona.

E exhibicion a pasa durante aña 2024 na diferente embahada y oficina regional di Nacionan UNI. Tambe na e biblioteca nacional di Trinidad & Tobago y Museo Tula na Corsow,

Cu cooperacion di partnernan di ministerio di Cultura y Educacion, nos a logra di traha un ruta interesante pa e exposicion, cu lo hiba nos di biblioteca Nacional pa UNESCO school Educampus Aruba, Museo Archeologico, Scol di Arte na San Nicolas y Archivo Nacional. Na cada parada e exposicion lo haya un toke diferente ya cu e lo ta den un otro setting, cu otro publico of cu un actividad adapta.

E exhibicion aki ta presenta un serie di 14 posters desaroya door di Rijksmuseum https://www.rijksmuseum.nl/en/whats-on/exhibitions/past/slavery/rijksmuseum-travelling-poster-exhibition, conteniendo relatonan profundo y personal di e periodo di sclavitud colonial Hulandes, 10 storia personal, 3 poster introductorio y 1 mapa mundial y ta enrikese pa e publico di Aruba cu:

• E film ‘Francisca y Eugenio’, dirigi y produci door di sra. Rebecca Roos, cu ta conta e historia di Famia Ecury, un historia di resiliencia y perseverancia.

• Un poster di esclavo ‘Thomas’ basa riba informacion di archivo nacional. E poster ta conta un storia di resistencia;

• Y diferente bukinan riba e topico di sclavitud.

E exhibicion aki ta uno biahero, e lo ta den Biblioteca Nacional SN te cu 18 oktober y despues lo cambia di lugar.

https://www.canva.com/design/DAGQkNO9U8s/geYA7mCaYB1bppOwbRXnNQ/edit?utm_content=DAGQkNO9U8s&utm_campaign=designshare&utm_medium=link2&utm_source=sharebu

Un danki na UNESCO Office for the Caribbean na Jamaica pa cubri e gastonan di e printing di e posternan y na nos partnernanlocal EducationUSA, UNOCA, Archivo Nacional, Museo Archeologico Aruba, Biblioteca Nacional, Educampus Aruba y UNESCO Aruba pa tur trabou y sosten.

E esfuersonan aki ta refleha e compromiso di nos comunidad internacional y local pa reconoce y balora nos pasado y pa uza e conocemento aki pa construi un futuro inclusivo.