Diaranson merdia a drenta informe di cu tin un 2 persona cu a yega na e negoshi di coco situa dilanti Citgo Sasaki cu placa falso, mesora a dirigi patruya na e sitio. Na yegada di e patruya ya caba e 2 personanan ey a caba di bay y polis a haya nan descripcion. Na un distancia polis a mira un di e sospechosonan ta wak camufladamente den nan direccion, mesora nan a bay su tras net e sospechoso a cunsa cana mas lihe pero toch a logra par’e. E hoben a desmenti pero testigonan a afirma cu ta e mes. Na diferente ocasion polis a puntra pa e placa falso pero ela bisa cu e no tin’e. Na un dado momento cu tactica polis a logra saca e placa for di dje aki ta unda e sospechoso kier a huy pero polis a mande plat y a detene. Polis a confisca e placa falso como evidencia. Ta trata di un hoben di 29 aña di pariba di brug cu a bisa di a bin pabao pa busca trabao.