Despues di a completa cu exito un aña di capacitacion, e aspirantnan di Guarda Costa a ricibi nan certificado y diploma di Guarda Costa pa Oficial di Polis Special diabierna ultimo for di mannan di e Director di Guarda Costa di Caribe, Walter Hansen y Alpha Falbru, Director di e Instituto di Capacitacion den Aplicacion di e Ley y Atencion di Seguridad (ORV). E aspirantnan a ricibi e diploma y e certificado durante un ceremonia na e Base di Parera. E aspirantnan awor ta guardacosta den pleno derecho y nan ta ser desplega operativamente na e puntonan di apoyo di Guarda Costa na Sint Maarten, Curaçao y Aruba.
¡Pabien!