Dialuna madruga a drenta informe di cu algun persona lo a ranca un cadena for di un turista na e hotzone banda di e highrise hotelnan, mesora a dirigi patruyanan na e sitio. Na yegada di e patruya a bin compronde cu e sospechosonan lo a ranca e cadena y core bay drenta un auto Toyota Vitz A78384 y bandona e sitio direccion Oranjestad. Mientras central di polis tabata pasando e detayenan aki un patruya cu tabata na e pompstation Caya Grandi a sali y a wak e auto cu e mesun number eynan para pa tank y a pasa informa e otro patruyanan ya cu nan ta 4 persona den e auto. Di e 4 personanan ey un ta muhe. Polisnan cu tactica a yega blokia e auto y a detene e 4 personanan aki. Buscando den e auto a logra haya e cadena horta. E sospechosonan tur a ser hiba separadamente pa diferente warda. Mientras e auto tambe a ser confisca.