Diadomingo mainta a drenta informe di un accidente cu hende herida na e crusada banda di Vegetarian Delight na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu e Honda CRV biniendo di pariba no a para pa duna preferencia na e Suzuki Swift RHD cu tabata bini for di nort y a bay dal net na banda di pasahero unda un dama tabata sinta y esaki tabata inconciente debi na e fuerte impacto. Na yegada di e ambulans nan a atende e dama y a transporte pa hospital.