Diaranson mainta a drenta informe di cu tin un auto na candela yegando e rotonde di Noord for di Sabana Liber, mesora a dirigi tanto polis como bombero na e sitio. Na yegada di e patruya a bin compronde cu e chauffeur bayendo pabao a cuminsa sinti holor di huma y a hala e auto banda di caminda y a mira huma ta sali for di e hood y hasta cu vlamnan ta sali y a core baha for di e vehiculo cual e candela a cuminsa extende na full e auto. Na yegada di bombero mesora nan a cuminsa cu un combate duro y directo cual a combati e candela rapidamente ta trata aki di un Range Rover cu a kima pot completo.