Diahuebs atardi a drenta informe di un accidente cu hende herida na Caya G.F. “Betico” Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Toyota Yaris bayendo zuid den Waterweg no a duna preferencia y a dal un Kia Picanto cu tabata bayendo pariba den Caya G.F. “Betico” Croes. Debi na e impacto e Picanto a bay para dwars den e caminda y e chauffeur a resulta herida. Na yegada di e ambulans nan a atende e victima.