Diadomingo anochi a drenta informe di un accidente na Casibari, mesora a dirigi un patruya na e sitio. Na yegada di e patruya a bin compronde cu un chauffeur burachi a bay dal cu un Suzuki Ignis riba un cura di cas y a cana bay for di e sitio lagando e auto atras, polis a bay busca e chauffeur y a topa cun’e poco mas leu. Polis a test e chauffeur y esaki a surpasa e limite permiti anto pa colmo e no tin ningun papel na ordo. Polis a detene y a laga hib’e na warda di polis.