Diadomingo atardi pa mas o menos 4:55 central di polis ta wordo notifica di un accidente ariba Watty Vos Blvd. ,retonde Ponton pa direcion Bushiri. Na yegada di e patruya a topa cu un auto Chevrolet Spark color blanco numera A-40313 y na unda e chauffeur no tabata duna señal di bida. Ambulance a presenta na e sitio na unda a purba yuda e chauffeur masculino pero no por a haci nada mas pa e persona. Dr Voskuil , dr forensico, ta constata morto di Jefferson Carrera Garcia naci 20 april 1993 (31 aña) na Venezuela.
Specialista di trafico a presenta na e sitio como tambe polis technico. Slachtofferhulp a presenta pa yuda cu famia di e fayecido. awe24.com y cuerpo policial ta manda palabra di condolencia na famia di e fayecido.