Diahuebs mainta a drenta informe di un accidente banda di Amsterdam Manor, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda e chauffeur di un Nissan March preto no a regula su velocidad ni a mantene distancia a bay dal tras di un auto di huur di un pareha turista. Pa suerte a logra capta e number y polis a bay na e adres y a haya e auto den cura para. Como cu na e momentonan ey e chauffeur no tabata na e sitio polis a pidi takelwagen pa tuma e auto den “beslag” pero un rato despues a cancel’e ya cu e chauffeur a aparece y despues di a atende y duna e chauffeur un boet e patruya a sigui.