Diasabra mainta a drenta informe di un accidente na Paradera, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un hoben chauffeur coriendo auto bao influencia a tuma e birada mucho aden y a bay dal semi-frontal riba un pick-up. Afortunadamente ningun hende a resulta herida. Ora polis a pone e chauffeur supla a nota cu e chauffeur ta bastante bao influencia y no tabata den condicion pa core auto. Polis a detene y a bay warda di polis cun’e.
