Diahuebs atardi ora cu un polis na civil cu a hiba su yiu chikito pa train hunto cu otro muchanan a nota un hobencito menor di edad ta humando marihuana y ta manda e huma riba e otro muchanan cu ta train na e veld di United, mesora ela yama su coleganan na warda y avisa nan di locual ta pasando. E patruyanan di Noord a yega mesora y e hobencito a purba huy pero polisnan a gar’e den e rooi pabao di e brug di Madushi mesora nan a detene y coy su bais. Den su poder a haya un grinder y un cuchiu esakinan a ser confisca. A pidi e vehiculo di transporte pa bin buske y hib’e na warda di polis. Un rato despues a hib’e na oficina di polisnan cu ta atende casonan di inmoralidad y asuntonan di menor.