Diaranzon madruga a drenta informe di un accidente cu hende herida dilanti 88 Food Center na Macuarima, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un pick-up maneha pa un dama cu lo a bira dilanti un Suzuki sin dun’e preferencia y nan a dal den otro y e pick-up a bay dal un otro auto staciona. Debi na e fuerte impacto e dama den e pick-up a resulta herida. Na yegada di e ambulans na prome instante no por a logra saca e dama for di e pick-up pero un rato despues si a logra sak’e. Nan a atende y transporte pa ricibi tratamento mas avansa na hospital.