Papaya Racing Team ta un ekipo cu ta competi na caredanan di auto chikito, mihor conoci como Hot Wheels, desde 2016.

Despues di exitoso inauguracion di pista y caredanan di Hot Wheels na mei 2023 na Papaya Ranch, e peticion a bira uno grandi pa organisa un careda di Hot Wheels categoria Pick-up Stock y Stock Open 60 gram riba un pista un poco mas largo.

Tur cos ta kla pa caredanan di Hot Wheels e fin di siman venidero na Papaya Ranch y cu un pista aun mas largo.

Diabierna 24 mei 2024 di 7or pa 9or anochi lo tin inscripcion y diasabra 25 mei 2024 pa 5or atardi caredanan di categoria Pick-up Stock lo start. Diadomingo 26 mei 2024 pa 10or mainta lo tin caredanan di categoria Stock Open 60 gram.

Pa cada categoria Papaya Racing lo tin trofeo, premio cash y hopi doorprizes danki na tur patrocinadornan.

Papaya Racing ta invita un y tur pa asisti y apoya tur coredornan di Hot Wheels na Papaya Ranch y manera custumber lo tin bar y cushina bon surti.