Diadomingo madruga a drenta informe di un accidente riba e Green Corridor banda di Ser’i Teishi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda velocidad halto tabata e causa unda un auto a corta dilanti di un Nissan March cu tabata bayendo pariba cu velocidad halto y a subi e median bay halto bay cay te otro banda di caminda. Un dama chauffeur di direccion contrario a wak e March pasa su dilanti riba un haltura basta halto y tera cu piedra tabata cay for di esaki causando daño na su auto. E dama a bira bin bek na e sitio y contata cu afortunadamente ningun hende a resulta herida pero si e 2 hobennan tabata spanta. E March si a keda destrui.