Diasabra madruga a drenta informe di un accidente na Sabana Liber, mesora a dirigi un patruya na e sitio. Na yegada di e patruya a bin compronde cu e chauffeur di un Chevrolet Spark a bay bira na man drechi a baha caminda bin dal un cura di cas kibra net na e skina unda tin un cacho mara ta drumi. E cacho aki a spierta y a lanta net ora di e accidente y scapa milagrosamente. Polis a nota cu e chauffeur ta burachi y a detene pa core auto bao influencia y causa un accidente. E vehiculo di transporte a bin busk’e y a hib’e warda di polis.