Diahuebs merdia a drenta informe di un accidente cu hende herida na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente cu 3 auto envolvi unda e dama chauffeur Suzuki Ignis biniendo di nort a hala memymey caminda pa bira pa drenta e parkinglot y e Suzuki Swift su tras tambe a para pero e chauffeur di e Mini Cooper biniendo di nort cu velocidad no a ripara e autonan para y a bay dal tras di e Suzuki Swift y consecutivamente esaki a bay dal tras di e Ignis mientras e Mini Cooper mes a bolter. Despues di e impacto e chauffeur di e Mini Cooper a logra sali cu un kap chikito. Na yegada di e ambulans nan a atende e victima na e sitio mes.