Dialuna mainta a drenta informe di un accidente na Tanki Flip, mesora a dirigi un patruya na e sitio. na yegada di e patruya a bin compronde cu aki ta trata di un accidente unda cu un dama chauffeur di e Nissan March bayendo nort a bay bira na man robes banda di La Oficina net ora cu un Hyundai Accent ta bay pas’e ela dal e na e skina patras banda robes y a bir’e 180 grado. E dama chauffeur tabata keha di dolor na su brasa pero no tabata desea asistencia di ambulans.