Diadomingo mainta a drenta informe di un accidente cu hende herida cu hende pega den auto na Camacuri banda di MotorWorld. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un Nissan Cube preto lo a perde control dal den un borchi trafico y un mata y despues kentel. E impacto tabata fuerte y chauffeur lo a keda pega bao di e auto. Na yegada di brandweer mesora a traha pa saca e chauffeur. A pidi ambulans cu maximo urgencia. Na yegada di ambulans no por a hasi mucho mas y a pidi presencia di dokter y tur autoridad competente pa bin presente. Na famia di e fayecido nos ta manda palabra di profundo condolencia.

RELATO POLICIAL:

—-Cuerpo Policial Aruba ta Informa—

DI 5 MORTO DEN TRAFICO RIBA E CAMINDA DI CAMACURI.

Diadomingo mainta pa mas o menos 6:05 central di polis ta wordo informa di un accidente cu a tuma lugar na altura di MotorWorld riba e caminda di Camacuri.
E prome informe ta cu un auto lo mester a bolter y tin un persona pega bao di e auto.
E prome patruya a yega na e sitio y ta constata cu tin un persona pega bao di e auto, cu ta un Nissan Cube preto numera A-61366.
A pidi ambulance cu maximo urgencia na e sitio mirando e situacion di e victima (chauffeur). Lamentabrlmente no por a haci nada mas pa e victima.
Pa 7:10 dr Texier ta constata morto di e chauffeur Reina Rosalinda Caroline Roga, naci na Aruba 22 september 1990 (33 aña).
Na e sitio a presenta specialista di trafico como tambe polis technico pa asina por haci nan investigacion.
Departamento di slachtofferhulp tambe a presenta pa duna e famia asisitencia.
Cuerpo Policial Aruba ta mandq palabra di condolencia na famia di e fayecido.