Diadomingo anochi a drenta informe di un accidente cu hende seriamente herida na Camacuri. Mesora a dirigi un patruya na e sitio. Na yegada di e patruya a bin compronde cu un KIA SUV preto lo a dal un peaton cu tabata crusando e caminda. E impacto tabata fuerte. Na yegada di e ambulans nan no por a hasi nada pa e victima. A pidi tur autoridad competente na e sitio pa asina hasi investigacion. Polis a detene e chauffeur di e KIA y a hibe Warda di Polis pa investigacion. Na famia di e fayecido nos ta manda palabra di profundo condolencia.

—-Cuerpo Policial Ta Informa—-

DI 4 MORTO DEN TRAFICO PA AÑA 2024.

Diadomingo anochi pa mas o menos 11:15 central di polis ta wordo notifica di un accidente riba e caminda di Camacuri na altura di Aruba Bank. Un auto lo a alcansa un peaton.
Central di polis ta despacha unidadnan di polis na e sitio di e sucedido.
Na yega di e prome patruya ta bin encontra cu un persona masculino banda di caminda y tabata mustra hopi critico. Mirando su situacion a pidi ambulance cu maximo urgencia.
Na e sitio polis ta topa tambe cu e auto KIA Sportage color preto A-18809. Polis a aserca e chauffeur na unda ta constata cu e lo ta bao influencia alcohol y ta bay over na test e. Mirando e resultado a detene e chauffeur di e auto KIA Sportage .
Un rato despues ambulance ta presenta pero no por a haci nada mas pa e victima.
Pa 11:45 dr Texier ta constata morto di e homber inicial A.J.B. naci na Brazil di 54 aña di edad y bibando na Aruba.
Specialista di trafico y polis technico/forensico a presenta na e sitio pa haci nan investigacion.
Departamento di Slachtofferhulp tambe a presenta.
Te cu awor no por haya famia di e fayecido y Cuerpo Policial ta haci un apelacion na famia di e fayecido pa por tuma contacto cu e central di polis yamando na e number di telefoon 100, pa asina departamento di trafico por tuma contacto cu nan.
Cuerpo Policial Aruba ta manda palabra di condolencia na famia di e fayecido.