Diasabra madruga a drenta informe di un sonido basta fuerte scucha parecido na un impacto di accidente banda di e oficina di rijbewijs na Santa Cruz, mesora a dirigi un patruya na e sitio. Na yegada di e patruya a bin encontra cu un Nissan March na werki kibra pero un hoben chauffeur sin ningun lesion. Segun por a compronde e chauffeur lo a fia auto di un amigo y coriendo riba caminda ela hala pa man robez subi acera dal riba palo di mata y tambe e cura di oficina di rijbewijs. Polis a nota cu e hoben aki tabata bao influencia y a detene mesora pa a core auto bao influencia y ocasiona un accidente.
