Diarason atardi a drenta informe di cu un accidente cu hende herida banda di Mariniers Kazerne na Savaneta, mesora a dirigi tanto polis y ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Toyota Yaris no a regula su velocidad ni a mantene distancia a bay dal tras di un Kia Sportage. E impacto tabata fuerte te cu 4 hende a resulta herida. Na yegada di ambulans nan a atende e victimanan aki y dos a bay den dos ambulans y e otro dos persona nan herida a bay cu auto particular.