Diasabra madruga a drenta informe di un accidente banda di Weng Kee na Piedra Plat, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda un auto (e marca y modelo conosi) a pasa dal un Toyota Yaris y e chauffeur a sigi core bay manera nada a pasa. Afortunadamente ningun hende a resulta herida. Polis a pasa e informacion pa departamento di trafico cu lo bay sigi cu e investigacion y captura e vehiculo y e chauffeur.